პროექტის სახელი: „პრეზენტაცია სხვადასხვა თემებზე“
პროექტის აქტუალობა: ზოგადი განათლების ეროვნული მიზნებისა და შესაბამისად, ეროვნული სასწავლო გეგმის ერთ-ერთი ამოცანაა, მოსწავლემ ზოგადსაგანმანათლებლო დაწესებულებაში სწავლის პერიოდში გამოიმუშაოს ინფორმაციული და საკომუნიკაციო ტექნოლოგიების ეფექტური გამოყენების - ინფორმაციის მოძიების, დამუშავების, დახარისხების, ანალიზის და პრეზენტაციის უნარი.
პრეზენტაციის პროცესში მნიშვნელოვანია მოსწავლემ შეძლოს ნამუშევრის ეფექტური წარდგენა კონკრეტული ჯგუფის წინაშე, რაც მოითხოვს, მის მიერ საპრეზენტაციო რესურსების სწორად განსაზღვრას და Power Point-ის თემის შესაბამისად აწყობასა და გამოყენებას.
.jpg)
პროექტის მიზნები: ინფორმაციის შეგროვების, დამუშავების, დახარისხების და ანალიზის, კომუნიკაციის, ინდივიდუალური და ჯგუფური მუშაობის უნარ-ჩვევების განვითარება.
მონაწილეთა ასაკი: მე-6 კლასის შესაბამისი ასაკი.
პროექტის ვადები/ხანგრძლივობა: შესასრულებლად მოსწავლეებს ექნებათ ზამთრის არდადეგები და არდადეგების წინა და შემდგომი 1 კვირა.
პროექტისთვის საჭირო ძირითადი რესურსები: პერსონალური კომპიუტერი, ინტერნეტი, პროექტორი, ელექტრონული ფოსტა.
პროექტის მსვლელობა (ძირითადი აქტივობები): მე-6 მოსწავლეებს ზამთრის არდადეგების წინ, 1 კვირით ადრე, ჯგუფურად დაურიგდებათ საპრეზენტაციო თემები: „ქართული ვაზის ჯიშები“, „ქართული და უცხოური ღვინოები“, „უძველესი ცივილიზაციები“, ქართული ხუროთმოძღვრება“, „ვიცეკვოთ ხალხური ცეკვები“ და „ქართული მწერლობა“. ჯგუფებმა აღნიშნულ თემებზე უნდა მოიძიონ ტექსტური და ვიზუალური ინფორმაცია ინტერნეტის გამოყენებით და საპრეზენტაციო პროგრამა Microsoft PowerPoint-ის საშუალებით უნდა შექმნან პრეზენტაცია. აღნიშნული პრეზენტაციები მათ საკუთარი ელექტრონული ფოსტის საშუალებით უნდა გადმოაგზავნონ სკოლის ელექტრონულ ფოსტაზე. კლასებში მოხდება გადმოგზავნილი პრეზენტაციების შეფასება ყველა მოსწავლის მიერ წინასწარ მომზადებული შეფასების სქემის გათვალისწინებით და კლასში საუკეთესო პრეზენტაცია მონაწილეობას მიიღებს საერთო კონკურსში რომელიც გაიმართება მე-6 კლასის მოსწავლეებს შორის. საუკეთესო პრეზენტაციას გამოავლენს სკოლის ადმინისტრაციისაგან, მოსწავლეებისაგან და პედაგოგიური კოლექტივისაგან შემდგარი ერთობლივი კომისია წინასწარ შემუშავებული შეფასების სქემის მიხედვით. გამარჯვებული გუნდის წევრებს გადაეცემათ პედაგოგის მიერ მომზადებული და სკოლის ადმინისტრაციის მიერ დამოწმებული სერთიფიკატები.
საგნებთან/საგნობრივ ჯგუფებთან/ ეროვნულ სასწავლო გეგმასთან კავშირი: აღნიშნულ პროექტზე მუშაობის დროს მოსწავლეები შეძლებენ:
საგანთა შორის კავშირების დამყარებას (მაგ: ისტორია, გეოგრაფია, ხელოვნება, ქართული ენა და ლიტერატურა, მუსიკა).
სხვადასხვა დისციპლინებში შეძენილი ცოდნის პრაქტიკულ გამოყენებას კონკრეტული ამოცანის გადასაწყვეტად.
პედაგოგებს კი შეეძლებათ დააკავშირონ არჩეული ღონისძიებები ეროვნული სასწავლო გეგმით გათვალისწინებულ შედეგებს. ესგ-ს ელექტრონული ვარიანტი შეგიძლიათ იხილოთ საიტზე: www.mes.gov.ge
პროექტის ხელმძღვანელი: ისტ-ის პედაგოგი დავით ქარსელაძე.
